Un estupendo xogo para descubrir como se vivía na aldea!

O alumnado converteranse en Isaura e Evanxelina, dúas mulleres do mundo rural galego. Cada discente levará un cartón identificativo no que figurarán os datos biográficos de cada personaxe que representan. Ao longo do percorrido irán descubrindo, a través das diferentes pistas, cal é o proceso para traballar o liño, para tecer, ou para elaborar pan e queixo. Para conseguir ditas pistas e poder acabar o xogo, os nenos deberán superar algunhas das probas propostas polos guías. Ao final, acudirán ao Parladoiro para respostar a un cuestionario.

Gañará quen máis preguntas acerte. Ambos grupos desenvolverán diferentes capacidades físicas e psicomotrices mentres aprenden a importancia de traballar en equipo.