Realizamos visitas para coñecer o noso proxecto e a orixe dos nosos alimentos.

Comezamos percorrendo os vestixios románicos que caracterizan a nosa aldea —o cruceiro, o “peto de ánimas”, o sartego e a igrexa do século XII— para, a continuación, descubrir os catro alicerces que substentan o proxecto Arqueixal: a granxa ecolóxica con 35 vacas en liberdade, a queixería artesanal, o ecoagroturismo activo baseado en criterios ecolóxicos e de bioconstrucción, e a visita á casa da Rebordela, que simboliza a recuperación e preservación da cultura e o modo de vida tradicional do rural galego.
Remataremos cunha deliciosa degustación dos nosos alimentos!