Ofrecemos aos escolares un contacto directo coa natureza e cos animais que habitan na nosa granxa para así poder transmitir o valor do medio natural que nos rodea e a necesidade de respectalo e conservalo. Nos nosos espazos elaborarán o seu propio queixo artesanal e entenderán os principios básicos da produción ecolóxica. A través da Casa da Rebordela coñecerán, e experimentarán por si mesmos, como era o modo de vida da sociedade rural galega, dunha forma dinámica e divertida.

Propoñemos tres unidades didácticas: Antes, agora e despois, Xente d’aldea e A Lenda da Chousa.