Queres vivir ao ritmo de hai cen anos, como os teus antepasados? Afastarte do mundo de hoxe, do seu ruído e da súa velocidade? Vivir na humildade dunha casa antiga, acollido pola calor dunha lareira e alimentado polos produtos da terra?

A Casa da Rebordela permitirache viaxar no tempo, a unha forma de vida tradicional no rural galego nos anos 20 do século pasado. Todo se mantivo intacto: a lareira para cociñar, a corte coa vaca, o tear antigo, a hucha para gardar o trigo. Unha oportunidade que che fará voltar á simplicidade e á convivencia coa natureza.

Contacta connosco para descubrir como vivir esta inesquecible experiencia!